Ons wens nuwe intrekkers baie welkom en nooi u uit om asseblief na afloop van die oggend eredienste, vir Ds. Lampies Lamprecht agter in die kerk te ontmoet.

Bybelprojek vir Zambië

Rek naam:  Bybels vir Afrika

Rek no:       9232623281

Tak:            Absa bank

Die maatskappy is gestig onder kode 21, nie winsgewende maatskappy.

Registrasienommer: 2008/026390/08

Baie dankie vir donasies wat alreeds ontvang is.

Die deernismandjieprojek het ten doel om voedselhulp te verleen aan gemeentelede wat in nood verkeer.

Onbederfbare kos met 'n langer raktydperk kan in die Deernismandjie voor in die portaal geplaas word. Indien u in voedselnood verkeer skakel asseblief vir Marinda by 082 928 7643 of Adeline tydens kantoorure (08:00-13:00) by 012 549 1340.

Ons verseker u graag dat dit streng vertroulik hanteer sal word.

Vanaf 13 Desember tot Aug 2010 sal Willie Cilliers blikkies uitdeel waarin u asb u kleingeld gooi.  Wanneer u blikkie vol is word dit by die kerkkantoor ingehandig en kan u weer ‘n leë blikkie kry.   Die fondse word gebruik om koeldranke aan te koop vir die WLF.

Wolmer gemeenskapsprojek en Tshwane uitreik

Die winter is op hande en daar is ‘n groot behoefte om aan behoeftige gesinne komberse en kos uit te deel. Ons het u hulp dringend nodig. Komberse en kos kan by die kerkkantoor afgegee word. (Mieliemeel, mielierys, stampmielies, soja, suiker en sout)